Энэ ертөнцөд хүнээс бусад бүх зүйл төгс оршин тогтнодог. Тухайлбал өвчин эмгэг, архидалт, нийгмийн завхайрал(бүх төрлийн завхайрал багтана) гээд төгс зүйлсэд эхлэл төгсгөл гэж ерөөс үгүй юм. Өнөөдөр бидний амьдралд тохиолдож буй зүйлс нь нэг талаас байгалийн шалгарал, нөгөө талаас нийгмийн шалгаралыг давсан яг л өнөөдөрт төгс оршдог төгс зохицдог. Харин маргаашт бол бүр илүү төгс зүйлс шалгаран үлдэх болно. Хэрэв архидалт төгс бус байсан бол аль эрт энэхүү ундаа мөхөлтэй нүүр тулж хүн төрөлхтөн мартагнах байсан нь лавтай. Архи бол төгс биелэл юм.
Үнэндээ хүн төгс зүйлс дунд байдаг учраас үргэлж төгс төгөлдөрийг хайж түүнийг биелэл болгохын төлөө явсаар харьцангуй мөн чанарт хүрдэг. Хүн хэмээх статус дор бүгд харьцангуй шинж чанараар оршдог тул түүндээ тохирсон мөн чанарыг олдог. Үүнийг Буддын сургаалд үйлийн үрийн тайлбарт зохилдуулдаг.
